Hafan > Ymaelodi
Ymaelodi
Gallwch ymuno gyda Merched y Wawr mewn cangen, clwb neu fel aelod unigol. Y gost ydyw: £20.00 am flwyddyn (o fis Medi hyd fis Medi)
Os oes diddordeb gennych i sefydlu Clwb neu Gangen neu i ymuno fel aelod unigol cysylltwch â’r Ganolfan Genedlaethol ar 01970 611 661 neu swyddfa@merchedywawr.com
Gallwch hefyd brynu aelodaeth unigol i ffrind, ac fe fyddant yn derbyn gwahoddiadau i ddigwyddiadau cenedlaethol gan gynnwys yr Ŵyl Haf, ciniawau’r llywydd a’r Penwythnos Preswyl ynghyd â derbyn 4 rhifyn o’r Wawr drwy’r post. Dyma anrheg wych i Gymry Cymraeg oddi cartref.
12 Rheswm i fod yn aelod...
Rheswm 1
Dyma’r unig fudiad Cenedlaethol Cymraeg i Ferched Cymru.
Rheswm 2
4 copi o Gylchgrawn y Wawr fel rhan o’ch tal aelodaeth – mae tudalennau am y clybiau gwawr ac erthygl rheolaidd am ddod i adnabod aelod o glwb gwawr ac mae croeso mawr i unrhyw aelod gyfrannu tuag ato.
Mae cystadlaethau gwych ym mhob rhifyn.
Rheswm 3
Cefnogaeth a chyngor gan y Swyddogion Hyrwyddo – Bargen arall!
Gallwn eich cynorthwyo i gynnal noson, helpu gyda grantiau, rhaglenni, syniadau a llawer iawn mwy...
Rheswm 4
Cyfle i wneud pethau amrywiol yn rheolaidd:
Pethau na fyddai grwp o ffrindiau sy’n cwrdd jyst i gael bwyd neu diod - ddim yn gwneud – e.e. Saethyddiaeth, Dawnsio Llinell, Bingo...
Rheswm 5
Cyfle i gwrdd a ffrindiau gwahanol a newydd yn y Clwb – dim jyst yr un (hen) rhai!
Rheswm 6
Cymdeithasu gyda chlybiau eraill – Ac mae mwy a mwy o glybiau!
Rheswm 7
Cyfle i gymryd rhan mewn gweithgareddau cenedlaethol e.e. Cwis Hwyl, Cyrsiau Amrywiol, Crefftau, Coginio, Chwaraeon, Bowlio 10 a Chystadlaethau gan gynnwys rhai llenyddol: Chi’n ddigon talentog a chi’n gwybod ‘ny!
Rheswm 8
Mae strwythur i’r Clwb yn golygu bod parhad yn y gweithgareddau - Cwrdd unwaith y mis, gwneud rhaglen, swyddogion: Mae’n gweithio – cwrdd bob mis yn lle eistedd gartre yn gwylio’r un hen sbwriel ar y teledu!
Rheswm 9
Mae gan aelodau Yswiriant Atebolrwydd Cyhoeddus tra eu bod yn cymryd rhan mewn gweithgareddau yn enw’r Clwb: Pwysig os dorrwch chi’ch coes ar eich Taith Gerdded flynyddol!
Rheswm 10
Mae Gwefan a Facebook ac rydym ar Trydar yn rheolaidd!
Mae llawer o glybiau hefyd â tudalen fb eu hun neu ar trydar.
Rheswm 11
Mae’r mudiad yn Cefnogi ymgyrchoedd cenedlaethol e.e. S4C, a rhai lleol e.e. arwyddion cymraeg mewn canolfannau siopa newydd, gwasanaethau Cymraeg mewn banciau – Oes, mae clowt gan yr hen Ferched y Wawr: pan y’n ni’n gwneud swn mae pobl yn gwrando!
Rheswm 12
Mae bod yn aelod yn ‘esgus’ i gymdeithasu drwy’r Gymraeg ac felly cryfhau ein hiaith yn ein cymunedau ni.
A dangos bod bywyd yn yr hen iaith o hyd!
Bydd gennych gyfansoddiad sy’n sicrhau mai Cymraeg fydd iaith y clwb.